Ақтөбеде бұзақылар танымал ресейлік блогерді ұрып-соғып, тонап кеткен
YouTube желісінде Странник Артур лақап атымен белгілі ресейлік танымал саяхатшы блогерді Ақтөбеде белгісіз біреулер тонап, соққыға жықты, деп хабарлайды Stan.kz ақпарат агенттігі "Диапазон" басылымына сілтеме жасап.
Саяхатшы велосипедпен Қазақстан, Моңғолия арқылы өтіп, сапарын Алтайда аяқтағысы келген.
"Мен Байкалға бармақпын. Маршрут үш мемлекет (Қазақстан, Моңғолия, Ресей) арқылы өтеді. Мен Башқұртстандағы Стерлитамактан қайта артқа қайтамын. Мен осы үш ел арқылы өтіп, барлық эмоцияларды сезінгім келеді", – деп ол өз бағыты туралы ақпаратпен бөліскен.
Алайда блогер соңғы видеосында Ақтөбеде өзіне шабуыл жасалғанын айтқан.
"Мені Қазақстандағы Ақтөбе қаласында тонап кетті. Әрең дегенде Ресейге келдім. Ақшам да жоқ еді, полиция билет алып берді, Орынборға кеттім", – дейді блогер.
Блогердің сөзінше, кешке Ақтөбені аралап жүрген кезде, оған бір топ ер адам шабуылдаған. Тонаушылар оның велосипедін, айфонын, сөмкесін алып кеткен. Тек құжаттары, бейнекамерасы және қалтасындағы 2000 теңге ақшасы ғана тоналмаған.
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
