Соңғы жаңалықтар

Кісі қолынан қаза тапқан кәсіпкердің туыстары оны базардан алып кеткендерді танығандарға сыйақы тағайындады

Қаралы отбасы Ерхан Тілеуімбетовті қарбыз сатып тұрған жерінен базардан алып кеткен адам мен көлікті танығандарға қаражат береміз деп отыр. Өйткені, жарты жыл өтсе де тәртіп сақшылары қылмыскерді таба алмады. Тіпті, Ерхан мінген джиптің кімге тиесілі екенін де анықтамаған, деп хабарлайды КТК арнасы.

Жалғыз ұлынан айрылған Райхан Есенаманованың көз жасы жарты жылдан бері құрғаған емес. Отыздан асқан Ерханын өлтіргендердің әлі күнге дейін табылмай отырғанына күйінеді. Былтыр жазда марқұмды джип көлігімен базардан біреулер келіп алып кетеді. Сол кеткеннен ұшты-күйлі жоғалған. Тек бір жарым ай дегенде қала шетінен сүйегі табылды. Дегенмен, базардағы бақылау камерасына көлік түсіп қалыпты. Бірақ оның кімге тиесілі екенін тәртіп сақшылары әлі күнге дейін анықтамаған.

«Сыйақы тағайындап отырмын. Мүмкін көмек беріп айтқан адамдар болса, сыйақым бар. Адам жанашырлық көрсете ме дегенім ғой. Сол жерде көрген адамдар бар. Қаншама көлік тұр соның ішінде. Соның біреуі де тексерусіз қалды. Біздің құқық қорғау органымыз ешқандай жұмыс атқарған жоқ», – дейді марқұмның анасы Райхан Есенаманова.

Марқұмның туыстары сол күні базарда тұрған саудагерлерден өздері сұрап көріпті. Бірақ ол әрекеттерінен түк шықпаған. Құзырымыз болмаған соң ешкім ашық айтпады деп отыр. Ал тәртіп сақшылары қылмысты аша алмай отырғанын мойындайды.

«Бұл қылмысты қазіргі кезде тергеу тобы жұмыс істеп жатыр. Күнделікті болмаса да әр жеті сайын осы тергеу тобының жұмысын қадағалап отырмыз. Әлі ол қылмыс ашылған жоқ», – дейді Ақтөбе облыстық ІІД бастығының бірінші орынбасары Айдар Төкеев.

Кісі қолынан қаза тапқан Ерхан Тілеуімбетовтің жақындары нақты қанша сыйақы тағайындағанын әзірге айтпай отыр. Өйткені жалған ақпарат бере салатын алаяқтарға алданып қалармыз деген күдіктері бар. Әйтсе де, тек ұлын жазда базардан алып кеткен джип көлігі мен сол көлікті тізгіндеген адам туралы айтып берсе болғаны дейді олар.

Оқи отырыңыз:

Ақмола облысында садақаға сойылған жылқы етінен ұшынғандар болған жағдайды айтып берді

Адам өлтірді деп айыпталған Мұратхан Тоқмәди соттан жазасын жеңілдетуді сұрады

Қазақстандықтар Наурыз мейрамына орай қай күндері демалады

Талқылау
Пікір
Қазір оқып жатыр
Çàãðóçêà...
Қазір оқып жатыр