Ақтөбе тұрғындары аулалардағы қоқыс үйінділеріне шағымданды

Ақтөбеліктер қаланың көптеген аулаларындағы қоқыс үйінділеріне шағымданды деп хабарлайды Stan.kz ақпарат агенттігі “Диапазон” басылымына сілтеме жасап.

Ақтөбедегі Сәтбаев көшесінің аулаларында бөтелкелер, пластикалық шыны және басқа да тұрмыстық қалдықтар шашылып жатыр.

"Бір апта бойы қоқыс жатты, жақында ғана шығарылды. Желмен ұшқандар әлі жатыр. Оларды өздеріңіз тазалаңыздар дейді. Егер олар уақытында шығарылса, мұндай лас болмас еді!" – деді қала тұрғыны.

"Күн сайын таңертең қоқыс шығарамын, бірақ күн сайын таңертең контейнерлер толып кетеді. Толып тұрғандықтан, жанына қойып кетеміз. Қоқыс шығаратын компания дұрыс жұмыс істемейді", – дейді ақтөбелік.

Жергілікті тұрғындар қоқыс тек контейнерлерде ғана емес, аулаларда, көшеде көп деп шағымданады.

Ақтөбеде NEO PLUS, "Таза Қарғалы" және Clean city сияқты үш компания қоқыс шығарумен айналысады.

ТКШ бөлімінің басшысы Жомарт Бақыткелдінің айтуынша, қоқыс полигонындағы өрт қаладағы қоқыстарды шығаруға әсер еткен. Өрт жолдың жанында болған деп болжануда. Қауіпсіздік үшін олар кіруді шектеді, сондықтан қоқыс таситын көліктер оған жете алмады.

Ақтөбе коммуналдық қызметінің айтуынша, бұған қаржы мәселесі де әсер етеді. Өйткені қала тұрғындарының тек 60 пайызы ғана қоқыс үшін ақы төлейді.