Ақтөбе облысында тасқын салдарынан автожол опырылып түсті

Ақтөбе облысында су тасқынына байланысты жол учаскесі опырылып, шайылып кетті, деп хабарлайды Stan.kz ақпарат агенттігі.

"Қазавтожол" компаниясының мәліметінше, 2022 жылғы 1 сәуірде сағат 17-де республикалық маңызы бар "Ақтөбе - Атырау - РФ шекарасы (Астраханьға)" автожолында еріген судың қарқыны салдарынан  Жарлы кентіндегі 283-ші шақырымда су өткізу құбыры бызылып, негізгі жолды шайып кетті. 

"Шайылудың қайталануы еріген судың көп мөлшерде түсуіне байланысты болды. Бұл учаске уақытша қалпына келтірілді", –  деп түсіндірді компанияда.

Көлік қозғалысы қайтадан іске қосылды.