"Бетінен ұрып жібердім": Бұрынғы сүйіктісіне қол көтерген Шәріп Серік мәлімдеме жасап, кешірім сұрады
Актер Шәріп Серік лифтте бұрынғы сүйіктісіне не үшін шабуыл жасағанын түсіндіріп, мәлімдеме жасады. Бұл туралы Stan.kz ақпарат агенттігі хабарлайды.
Фото: Stan.kz
Айта кетейік, жақында Шәріп Серік Say Mo-дан кейін қосылған жары Әлия Бутеевамен де ажырасып кеткенін айтқан еді. Содан кейін Әлия Бутеева оған актер қол көтергенін мойындап, желіде ағынан ақтарылды.
“Мен зорлық-зомбылыққа қарсымын. Бәріңіз видеоны көрдіңіздер! Мен оған лифтте дөрекі іс-әрекет жасадым. Сол сәтте ашуға бой алдырдым. Өзімді ақтай алмаймын. Істеген әрекетім үшін заң алдында жауап беруге дайынмын. Әлияның өзінен және ата-анасынан кешірім сұраймын. Мен оның бетінен ұрып жібердім. Менің қатемді қайталамаңыздар! Әйелге қол көтермеңіздер!”, – деді актер.
Желі қолданушылары түрлі пікір білдіріп жатыр. Бірі қателеспейтін адам жоқ екенін айтып ақтаса, енді бірі сенбеуге үндеді.
“Сөзін анасы жазып берген”, “Актер екенін ұмытпайық”, “Кешірім сұрап, құтылып кетпесе екен”, “Лайық жазасын алсын!”, “Ақша мен атақ түбіне жетті”, “Бишімбаев 2 болып қалды”, “Кінәсін түсініп тұр”, – деп жазды көпшілік.
Еске салайық, Шәріп Серіктің бұрынғы жұбайы Say Mo да зорлық-зомбылық көргенін есіне алған еді.