Ақтаудағы жылу-электр орталығында алапат өрт болды

Ақтауда 31 мамыр күні "МАЭК-ҚазАтомПром" ЖШС жылу-электр орталығының аумағында өрт болды, деп хабарлайды Stan.kz ақпарат агенттігі. 

Өрт туралы ақпарат 21:42-де келіп түскен. Өрттің жалпы аумағы 600 шаршы метрге тең. Зардап шеккендер мен құрбандар жоқ. 

"Өрт аймақты су және электр қуатымен қамтамасыз етуге кедергі келтірмейді. Кәсіпорын штаттық режимде жұмыс істеп жатыр", – деп мәлімдеді Төтенше жағдайлар департаментіндегілер. 

Отты сөндіру үшін Төтенше жағдайлар департаментінің 15 қызметкер мен 6 бірлік техника, кәсіпорынның 4 қызметкері мен 1 техника және 4 полицей жұмылдырылған.