Ақтауда теңізге батып кеткен 18 жастағы жігіттің денесі 6 метр тереңдіктен табылды

Ақтауда суға батып кеткен жігіттің денесін бүгін, 8 маусым күні сүңгуірлер алты метр тереңдіктен тапты. Бұл туралы Маңғыстау облысының төтенше жағдайлар департаменті мәлімдеді, деп хабарлайды Stan.kz ақпарат агенттігі Lada.kz порталына сілтеме жасап.

Дереккөз Lada.kz

Таңертеңгі сағат 07:33 шамасында құтқарушылар суға батып кеткен 2004 жылы туған жігіттің денесін тапты.

Құтқарушылар жігітті 15-ші шағын ауданына жақын жағалаудан теңіздің алты метр тереңдігінен тапқанын айтты.

• Ақтөбе облысында үш бүлдіршін өзенге батып кетті


• Қызылорда облысында суға батып кеткен ер адамның денесі 4 жылдан кейін табылды

Еске салайық, кеше, 7 маусым күні Ақтауда 15-шағын ауданға қарама-қарсы аумақта Бейнеу ауданының тумасы, 2004 жылы туған жігіт суға батып кеткен еді.

Жас жігіт – Маңғыстау өнер колледжінің 1-курс студенті. 3 Б шағын ауданындағы жатақханада тұрған.