Ақтауда апатқа ұшыраған AZAL ұшағының экипажына ескерткіш орнатылды
Фото: liter.kz
Ақтауда апатқа ұшыраған AZAL жолаушылар ұшағының экипажына арналған ескерткіш орнатылды. Бұл туралы Stan.kz ақпарат агенттігі liter.kz басылымына сілтеме жасап хабарлайды.
Монумент Әзербайжанның қаһармандарына – ұшқыш Александр Кальянинов пен бас бортсерік Хокума Алиеваға арналып қойылды.
Мемориалдың іргетасын қалау рәсіміне қаза тапқандардың туыстары мен әріптестері, сондай-ақ жергілікті қауым өкілдері қатысты. Іс-шара барысында экипаж мүшелері жайлы естеліктер айтылып, гүл шоқтары қойылды.
Еске салайық, 25 желтоқсанда Ақтау маңында Баку-Грозный бағыты бойынша ұшқан AZAL жолаушылар ұшағы апатқа ұшырады. Ұшақ бортында 67 адам болған, оның ішінде экипаж мүшесі бесеу. Апат салдарынан 38 жолаушы қайтыс болды, 29 адам аман қалды.
Осыған дейін Әзірбайжанда Ақтау маңындағы ұшақ апаты жайлы фильм көрсетілген еді.
Талқылау
