Ақтауда 6 жастағы бүлдіршінді зорлаған азаматтың есі дұрыс болып шықты
Ақтауда 6 жастағы бүлдіршінді аяусыз зорлаған азаматтың есі дұрыс екені анықталды. Бұл туралы оның қорғаушысы Намиг Велиев айтты. Мұнымен қатар, зорлаушының жеке басына қатысты тың мәліметтер анықталған.
Бұл туралы “31 арна” хабарлайды.
6 жастағы Виканы азамат тамыз айында ұрлап, зорлап кеткен болатын. Қыз бірнеше сағаттан кейін ғана табылған. Азамат зорлап, артынша мойнынан тұншықтырып өлтірмек болған. Әзірге Вика комада жатыр. Оны астананың ең үздік дәрігерлері бақылауда.
Айыпталушы өзін бала күнінде туысқан ағасының зорлағанын айтқан. Қазір азаматтың жасы 32-де. Әйелі мен 5 жастағы ұлы бар екен.
Талқылау