Ақсулық әйел балық аулап жүріп адамнның бас сүйегін тауып алды
Павлодар облысында Ертіс өзенінен адамның бас сүйегі табылды. Оны отбасымен бірге серуендеп жүрген ақсулық әйел анықтаған, деп хабарлайды Stan.kz ақпарат агенттігі Pavlodarnews.kz порталына сілтеме жасап.
Отбасы Ертіс өзеніне балық аулауға барған.
"Күндізгі сағат 15:00 шамасында балық ауламақшы болып, суға қармағымды салдым. Сол кезде бірнәрсе ілінгендей болды. Өзенді жағалай ілінген затты шығарсам, адамның жағы. Оны көргенде төбе шашым тік тұрды", - дейді Ольга Чиндина.
Бас сүйекті тапқан ол дереу полиция шақырған. Дүйсенбіде адамның денесін іздестіруге сүңгуірлер жұмылдырымақшы.
Археолог Тимур Смағұлов сүйек ежелгі қорымға көмілгендердің бірінікі болуы мүмкін дейді.
"Судың жағасындағы қорымдардың бірінен суға түсуі мүмкін. Мұндай құбылыс, әсіресе, көктемде жиі болады", - дейді ол.
Сөзінше, Ертістің бойында 15-тен астам қорым бар көрінеді.
Талқылау
Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
Пластик орнына бір рет қана қолданылатын қағаз салфетка беру логикаға сыймайды дейді олар
"Ет, құрт, қазы, музыкалық аспап алып кіре алмайды": Қазақстандықтар ұшаққа отырарда нені ескеруі тиіс
Әуежайда затыңызды өткізбей тастамас үшін мынадай ережелерді білген жөн