"Ақшаға шешуге болады": Бас прокуратура Маңғыстаудағы құқық қорғау қызметкерлерінің аудиожазбасын тексеруге кірісті
Қазақстанның бас прокуратурасы желіде таралып кеткен полицейлердің аудиожазбасын тексеруге кірісті, деп хабарлайды Stan.kz ақпарат агенттігі.
Тексеру шарасының басталуына Ербол Еділовтың Telegram арнасында пайда болған аудиожазба себеп болыпты. Жазбаға сәйкес, әңгіме Маңғыстаудағы полиция және прокуратура қызметкерлерінің арасында болған. Құқық қорғаушылардың әңгімелерінде полицейдің жұмыстан шығып қалып, прокуратура қызметкерінен көмек сұрап жатқаны аңғарылады. Өз кезегінде прокурор бұл мәселені ақшамен шешуге болатынын айтады.
"Әлеуметтік желілерде Маңғыстау облысында прокуратура мен полиция қызметкерлерінің әңгімесі таралуда. Аталған оқиға бойынша бас прокуратураның ішкі істер тергеу департаменті тергеуді бастады. Аудиожазба тексеріліп, ондағы тұлғалар анықталуда. Тергеудің нәтижелері жарияланатын болады", -делінген ресми хабарламада.
Талқылау
"Қазақ екеніме сенбейді": Ақтаулық жігіт желіде ерекше келбетімен көзге түсті
Желі қолданушысы: “Түрі қара болғанымен жүрегі аппақ бала”
"Екінші балаға бұл салт-жоралғы жүрмейді": Қазақстандық ата-ана құдаларынан босанған қызын 40 күнге жіберуге рұқсат сұрап, кәдесый алып келген
Дильназдың сөзінше, алғаш ана атанған қыз үшін туған анасынан артық жанашыр адам жоқ