Consumer Reports зерттеушілерінің мәліметінше, АҚШ-та жыл сайын су тасқыны мыңдаған көлікті зақымдайды. Дегенмен, зақымдалған барлық көлік қоқысқа жіберілмейді. Кейбіреулері жөнделіп, басқа штаттарда қайта сатылады. Мұндай "суға батқан көліктер" Қазақстанда да пайда болуы мүмкін.

Carfax есебіне сәйкес, 2023 жылы су батқан 454 мыңға жуық көлік жолдарға қайта оралған. Тек 2024 жылдың жазында ғана АҚШ-та 89 мыңнан астам көлік суға батқан көліктер. Бұл деректер АҚШ-тың оңтүстік-шығыс жағалауында жақында болған Хелен және Милтон дауылдарының әсерін есепке алмағандағы көрсеткіштер.

2024 жылдың көктемінде Қазақстанның бірқатар өңірлері де ауқымды су тасқынына тап болды. Тұрғын үйлер мен басқа да мүліктер, соның ішінде автокөліктер су астында қалды. Мұндай көліктер жөнделіп, қайта нарыққа шығарылуы мүмкін, сондықтан сарапшылар жүрілген автокөлікті сатып алғанда мұқият болуға кеңес береді.

Елімізде автокөлікті міндетті сақтандыру бағасы кей өңірде көтеріліп, кей аймақта өзгеріссіз қалады

Су көліктің электроникасын, майларын және механикалық жүйелерін зақымдауы мүмкін. Коррозия автомобильдің маңызды электроникасына, соның ішінде қауіпсіздік жастықшасына да енеді. Мұндай жағдайларда автокөліктер мамандардың мұқият тексеруін талап етеді.

Consumer Reports бас механигі Джон Ибботсон су астында қалған белгілері бар көліктерді сатып алмауға кеңес береді.

Су астында қалған көлікті бірнеше белгілерінен анықтауға болады:

- көлік ішіндегі төсеніштерде көгерген немесе кептірілген кірдің бар-жоғын тексеріңіз. Ескі көліктегі жаңа төсеніштер де күдік тудырады;

- орындықтың бекіту бұрандаларының бұған дейін шешіліп-шешілмегенін тексеріңіз. Осындай манипуляциялар көліктің ішін кептіру үшін қолданылады;

- көліктің фараларын тексеріңіз, линзада немесе рефлекторда тұрып қалған судың жолағы болуы мүмкін;

- көліктің қол жеткізу қиын жерлерінде қоқыс пен кірдің бар-жоғын тексеру керек. Қозғалтқыш бөлігінің айналасындағы су іздері де автомобильді су басқанын көрсетеді;

- мотор майын да тексеру қажет. Мотор майы сумен араласқанда сүт коктейліне ұқсайтын біртүрлі кейіпке енеді;

Еске салсақ, бұған дейін Egov.kz порталында көліктің тарихын тексеру қызметі іске қосылғаны туралы жазған едік.

Талқылау