Ақпараттық қауіпсіздік саласындағы жасанды интеллект: QazCloud компаниясы тәжірибесін бөлісті

QazCloud компаниясы ақпараттық қауіпсіздік саласындағы жасанды интеллект тәжірибесін бөлісті. Компанияның айтуынша, жүйе қауіп-қатерді болдырмауда ескерту жасай алады. Бұл туралы Stan.kz ақпарат агенттігі хабарлайды. 

QazCloud Бас директоры Касым Есергепов жасанды интеллекттің түрлі бағытта қолданылатынын жеткізді.

“Бүгінде жасанды интеллект (AI) технологиялары дамудың әсерлі деңгейіне жетті. Бұл бізге оларды ақпараттық қауіпсіздік саласында қолдану үшін көптеген мүмкіндіктер ашады. Біз әртүрлі деректер түрлерін талдау, фишинг пен спамды анықтау, қауіптерді болжау және оқиғаларға жедел әрекет ету үшін жасанды интеллектті қолдану жаңалықтарын белсенді түрде қадағалаймыз”, – деді Касым Есергепов.

QazCloud-та жасанды интеллект пен машиналық оқытуға негізделген мінез-құлық талдауын қолданатын жүйелер қолданылады. Бұл технологиялар стандартты мінез-құлық үлгілерінен ауытқуларды анықтау арқылы пайдаланушылардың әрекеттерін зерттеуге және талдауға мүмкіндік береді. Тінтуірмен және пернетақтамен жұмыс істеудің жеке ерекшеліктері егжей-тегжейлі зерттеліп, енгізілген командаларға талдау жасалады.

Мұндай жүйелердің негізгі идеясы-әр пайдаланушы үшін мінез-құлық моделін құру. Жасанды интеллект осы деректерден үйренеді және пайдаланушының әрекеттері қашан қалыптан шыға бастайтынын анықтай алады. Мысалы, егер артықшылықты пайдаланушылар белгілі бір командаларды енгізе бастаса немесе оның қалыпты жұмысына тән емес әрекеттерді орындай бастаса, жүйе бұл ықтимал қауіпті анықтайды және хабардайды.

Осы жүйенің арқасында біз оқиғаларға тез жауап беріп және компаниямыз бен клиенттеріміз үшін тәуекелдерді азайта аламыз.

Жасанды интеллект біздің ақпараттық қауіпсіздік стратегиямыздың маңызды бөлігіне айналды. Біз қауіптерден бір қадам алда болу және жылдам дамып келе жатқан Цифрлық әлемде деректерді сенімді қорғауды қамтамасыз ету үшін технологиямызды дамытуды жалғастырамыз.