Ақмола облысында Біржан салдың ескерткішіне әлдекімдер сынап құйып кеткен
Ақмола облысының Степняк қаласында Біржан салдың ескерткішіне әлдекімдер сынап құйып кеткен. Полицейлер оқиғаның анық-қанығын тексеріп жатыр.
Бұл туралы Экспресс К хабарлайды.
Атақты ақын Біржан салдың шығармалары ел ішінде кеңінен танылған. Ол ХІХ ғасырдағы ән өнерінің ірі өкілі болып танылған тұлға. Ол 1834 жылы қазіргі Ақмола (Көкшетау) маңайындағы Сексенкөлдің бірі Жекей көлінің жағасында дүниеге келген. Бас еркіндігі өзіндегі талантты бала жас шағынан домбырамен ән салуға, өлең сөз қиыстыруға бейімдігін байқатады.
Өлеңге құмар жас ошақ басы, отбасы әңгімелерінен биік тұрып, ел тамсандырар серілер өміріне қызығып, өзі де салдық, серілік құра бастайды. Осы әншілігінің, ақындығының арқасында Біржан алты алашқа оңай танылып, кейінгіге ертегідей жетіп, қазақтың ерекше салт-дәстүрі серілік дәстүрін шыңға шығарған жанға айналады.
Генерал губернатор Александр Дюгамельдің сапары кезінде билік өкілдері болмашы нәрсені жырлай бермеуі үшін Біржан салдың домбырасын сындырып тастаған көрінеді.