AAPL
146.06 $
-1.83 %
TSLA
759.49 $
0.33 %
NDAQ
192.9 $
-1.29 %
GOOGL
2816 $
-1.96 %
FB
364.72 $
-2.24 %
FRHC
61.53 $
1.1 %
AAPL
146.06 $
-1.83 %
TSLA
759.49 $
0.33 %
NDAQ
192.9 $
-1.29 %
GOOGL
2816 $
-1.96 %
FB
364.72 $
-2.24 %
FRHC
61.53 $
1.1 %
Соңғы жаңалықтар
Соңғы жаңалықтар

Ақмола облысында "Тәуелсіздік құрдастары" жобасы басталды

Ел Тәуелсіздігінің 30 жылдығы аясында Ақмола облысының жастар-ресурстық орталығы "Тәуелсіздіктің құрдастары" атты жобаны іске қосты.

“Жоба Тәуелсіздіктің құрдасы болып табылатын, облыстың қоғамдық және мәдени өміріне белсенді қатысатын және қызметтің түрлі салаларында жетістіктері бар ақмолалықтармен кездесулер өткізуді көздейді”, – деп хабарлайды ішкі саясат басқармасы.

Жақында жоба аясында жастар ресурстық орталығының "Instagram" әлеуметтік желісіндегі ресми парақшасында "Аманат" еріктілер орталығының негізін қалаушы және жетекшісі, Шоқан Уәлиханов атындағы Көкшетау университеті ректорының көмекшісі Айжан Құсайыновамен тікелей эфирде кездесу өтті. 


Спикер атап өткендей, еріктілер орталығы облыста екі жыл бойы жұмыс істеп келеді. Орталықтың командасы Шоқан Уәлиханов атындағы Көкшетау университетінің және көпсалалы колледжінің студенттері болып табылатын 50 еріктіден тұрады. Волонтерлік орталық жұмыс істеген уақытта облыстың 200 мұқтаж отбасына көмек көрсетілді.

Сондай-ақ Айжан Құсайынова қатысушылармен қазіргі уақытта "Мир меняют люди" атты еріктілер туралы кітап жазатынын және жақын арада кітап шығарылатынына үміттенетінін айтты.

"Мен еріктілерді, ғарыштық адамдар деп санаймын, мен оларға тағзым етемін. Бұл өз өмірінің бір бөлігін басқа адамдарға көмектесіп, әлемді жақсы жаққа өзгертетін адамдар. Осы мүмкіндікті пайдалана отырып, өзімнің барлық командама және бізге көмектесетін адамдарға үлкен алғысымды білдіргім келеді", – деді спикер.

Тікелей эфир барысында Айжан Құсайыноваға "Жастарға қандай кеңес бересіз?" сұрақ қойылды.

"Өзіңізге сеніңіз, өз ісіңізді жақсы көріңіз, жақсылық жолымен жүріңіз, сонда сіз жетістікке жетесіз. Алға жылжыңыз, Отанымыз – Қазақстан Республикасының гүлденуі үшін жұмыс істеңіз", – деп қорытындылады спикер.
 

Талқылау
Пікір
Қазір оқып жатыр
Çàãðóçêà...
Қазір оқып жатыр