Ақмола облысында Павлодардың балалар футбол командасы апатқа ұшырап, жаттықтырушы қаза тапты

19.04.25 / 11:35

18 сәуірде Астана-Ерейментау-Шідерті тас жолында салонында 16 жасөспірім мен олардың жаттықтырушысы бар шағын автобус жол апатына ұшырады. Жаттықтырушы оқиға орнында қаза тапты. Бұл туралы Stan.kz ақпарат агенттігі хабарлайды.

Фото: Kaztag

Ақмола облыстың полиция департаментінің мәліметінше, автобус Mercedes көлігіне соқтығысқан.

"Көлік жүргізушісі жүк көлігін басып озу кезінде оның аударылып кетуіне себеп болған. Шағын автобуста 14 пен 16 жас аралығындағы 16 бала мен бір жаттықтырушы болған. Апат салдарынан жаттықтырушы оқиға орнында көз жұмды", – делінген хабарламада.

Жасөспірімдер Павлодардан Астанаға спорттық жарысқа бара жатқан. Балалар медициналық мекемеге жеткізіліп, дәрігерлердің бақылауына алынды.

Ақтаудағы жаттықтырушы қыздың өлімі: Оның атына қылмыскерлер рәсімдеген несие қалай өтеледі

Қонақүйге апарып, есірткі берген: Павлодарда 11 жастағы қызды зорлаған жаттықтырушы өмір бойына сотталды

Қылмыстық іс қозғалып, тергеу амалдары жүріп жатыр.

Облыстық полиция департаментінің хабарлауынша, сапарды ұйымдастырған жекеменшік спорт мектебінің басшылығы полицияға хабар бермеген, сондықтан патрульдік қызмет көрсетілмеген. Бұл оқиғаға байланысты тергеу басталды.

Бұған дейін аудандық олимпиадаға бара жатып жол апатына ұшыраған үшінші көліктегі оқушылар д әрігердің тексеруінен кейін олимпиадаға қатысуға жіберілгенін хабарлаған едік.

Өмір айнасы