Ақмола облысында екі әйел мен кішкентай бала тірідей өртене жаздады

Ақмола облысындағы Атбасарда тұрғын үй өртеніп кетті.  Өрт сөндірушілер анасын, қызын және немересін ажалдан аман алып қалды, деп хабарлайды Stan.kz ақпарат агенттігі.

Өрт бейсенбі күні таңертең Бигелдинов көшесіндегі тұрғын үйде болған.

"Сағат 08: 25-те өрт туралы хабарлама келіп түсті. Келгеннен кейін үйге бекітілген гараж жанып, тұрғын үйдің конструкциялары жанғаны анықталды. Үйден шығатын жолдары от жауып тастаған. Үш адамнан тұратын отбасы - қызы мен немересі бар ана үйде болды. Өрт сөндірушілер жедел іске кірісіп, үйге кіріп, оттегі маскаларын пайдаланып, үй иелерін құтқарды", - деді Атбасар ауданының ТЖ бөлімінің бастығы Ерболат Ашкенов.

Өрт құшағынан 1967 және 1988 жылы туған екі әйел, сондай-ақ 2013 жылы туған бала құтқарылды. Сонымен қатар өрт сөндірушілер отбасының көлігін өртенуден сақтап қалды.

Өрттің алдын ала себебі - электр сымдарының қысқа тұйықталуы.

Ақмола облыстық ТЖД баспасөз қызметінің мәліметінше, 20 минут ішінде өрт толығымен сөндірілді. Оған ТЖД күштері мен құралдары жұмылдырылды.