Ақкөлден Нұр-Сұлтанға аман жеткен жолаушылар жолда бірнеше тәулік түнеген
Боран салдарынан жолда қалған жүргізушілер мен жолаушылар елордаға аман жетті. Олардың кейбірі жолда бірнеше тәулік түнеген.
Бұл туралы Stan.kz ақпарат агенттігі 24 арнаға сілтеме жасап хабарлайды.
Жолда қалған 150 көлік Нұр-Сұлтанға аман-есен жетті. Олармен бірге полиция мен құтқарушылар жүрді. Аш-жалаңаш, жаураған жолаушылар аман-есен елордаға кірді. Адам құрбан болған жоқ.
Елорда маңындағы Талапкер, Қажымұқан секілді ауылдардағы қарды тазалаудың өзі қиынға соғуда. Бес күн ішінде мың шақты адам құтқарылды. Оның 36-сы жүкті әйел. Оның бірі ұл, бірі қыз баланы өмірге әкелді.
Ауа райының қолайсыздығына байланысты Нұр-Сұлтан қаласынан барлық бағыттарға жол жабылды.
ІІМ хабарлауынша, Ақтөбе, Павлодар облысы жабық. Ақтөбенің Ресей шекарасының маңы жабық, Павлодарда Ресей шекарасының маңы жабық. Қостанай, Ақмола облыстарында жол жабық.
Талқылау