AAPL
168.49 $
-0.44 %
TSLA
859.89 $
-2.62 %
NDAQ
186.57 $
-0.02 %
GOOGL
118.84 $
-0.72 %
FRHC
57.42 $
-0.24 %
AAPL
168.49 $
-0.44 %
TSLA
859.89 $
-2.62 %
NDAQ
186.57 $
-0.02 %
GOOGL
118.84 $
-0.72 %
FRHC
57.42 $
-0.24 %
Соңғы жаңалықтар
Соңғы жаңалықтар

"Әділ сот": Әсел Айтбаеваның анасы Мейірбековтің үкіміне қатысты пікір білдірді

Былтыр Грузияда қайтыс болған Әсел Айтбаеваның ісі бойынша қамауға алынған жалғыз күдікті 15 жылын абақтыда өткізеді. 3 тамызда Нұр-Сұлтан соты Мұрат Мейірбековке осындай үкім шығарды. Ол "Адам саудасы" және "Зорлау" деген екі бап бойынша айыпты деп танылған, деп хабарлайды Stan.kz ақпарат агенттігі КТК арнасына сілтеме жасап. 

әсел

Прокурорлар да соттан бір жылдан бері түрмеде отырған Мейірбековті 15 жылға бас бостандығынан айыруды сұраған. Сондай-ақ марқұм Әсел Айтбаеваның әке-шешесіне бес-бес миллион теңгеден өтемақы беруді талап еткен болатын. Судья оны қанағаттандырды. Сот залына судьядан бөлек, жәбірленуші мен қорғаушы тарап қана кіргізілді. БАҚ өкілдері үкімді онлайн форматта тыңдады.

Тергеу 26 жастағы қыздың қорлыққа шыдамай терезеден секіріп кетті деген қорытынды шығарған. Өлер алдында ол жақындарына аудиохабарлама жіберіп үлгерген. Хабарламадан ер адамның қызға қоқан-лоқы көрсеткенін естуге болады. 

Грузия полициясы Әселді зорлады, өзін-өзі өлтіруге мәжбүрледі деген күдікпен 56 жастағы Бесик Тордуаны ұстаған еді. Алайда басты күдікті бірнеше айдан соң түрмеде қайтыс болды. Айтбаевтар отбасы қызының өліміне туысы Мейірбековті де кінәлап, бір жылдан бері әділдік іздеп шарқ ұрған. Олар үкіммен келісіп отыр.

"Әділ сот. Расымен, судья мен қалаған үкімді шығарды. Алайда ішім бәрібір бос. Қызымды кері қайтара алмаймын", – деді Әсел Айтбаеваның анасы Айсұлу Айтбаева. 

"Әрі қарай Әсел Айтпаеваға тиесілі жеке заттардың беруін күтуіміз керек. Біздің елшілік бұған барынша көмектеседі деп күтеміз. Осыдан кейін іс бойынша Грузияға барамыз. Бар күшімізді саламыз", – деді адвокат Сайда Сүлейменова. 

Сот материалдарына сәйкес, Мейірбеков Айтбаеваға Грузияда жалақысы 500 доллар болатын жұмыс ұсынған. Сонымен қатар Қазақстаннан Грузияға ұшып баруына көмектескен.

“Рустави қаласындағы жалға алынған пәтерде Мейірбеков пен Айтбаева ішімдік ішкен, кейін Айтбаева ұйықтап қалған. Оның жағдайын пайдаланған Мейірбеков зардап шегушіні зорлаған. 

Мейірбеков пайда көру мақсатында және оның іс-әрекеттерінде қолдау көрсеткен Грузия азаматы Бесик Тордуамен қарым-қатынасын жақсарту мақсатында Әсел Айтбаеваны Тордуаға сыйға тартпақ болған. Тордуа Мейірбековке әрі қарай да қолдау көрсетуге уәде берген, яғни онымен сөз байласқан”, – деді Әлхожаев. 

Айта кетейік, Әсел Айтбаеваның өлімінен кейін туысына қатысты сот үкімі шыққан еді. 

Талқылау
Пікір
Қазір оқып жатыр
Қазір оқып жатыр