Әбиба Абужақынова Түркиядағы турнирді жарқын жеңіспен бастады
Әбиба Абужақынова Түркияның Анталья қаласында өтіп жатқан Grand Slam турнирін жарқын жеңіспен бастады. Бұл туралы Stan.kz ақпарат агенттігі хабарлайды.
Анталья қаласында бастау алған байрақты бәсекеде белдесіп жатқан балуандарымыздың арасында жалғыз Әбиба алғашқы айналымда жеңіске жетті. Отандасымыз Grand Slam турнирінде португалиялық Брито Ракелді иппонмен ұтса, 60 келідегі Нұрқанат белгісіз себептермен бозкілемге шықпады. Сондай-ақ жарыстың алғашқы күнінде сынға түскен Ғұсман Қырғызбаев (66 кг), қыздар арасында Толғанай Әбеуова (52 кг), Бақыт Құсақбаева (57 кг) алғашқы айналымнан аса алмады. Енді Әбиба екінші айналымда ресейлік Кристина Дудинаға қарсы күреседі.
Айта кетейік, бұл турнирде әлемдік рейтингтің көшбасшылары белдеседі. 60 келі салмақта ерлер арасында 39 балуан күрессе, Әбибаның салмағында 46 дзюдошы бақтарын сынайды.
Алматы әкімдігі тұрғындардың наразылығын тудырған эстакадаға қатысты суретке түсініктеме берді
Тағы бірі Алматыдағы кейбір жол құрылыстары кептелісті жеңілдетуден гөрі арттырады деп алаңдайды
"Ақыл-ойы кемістігін пайдаланып алдаған": Жамбыл облысында зорланып, жүкті болып қалған оқушының анасы 6 айдан бері әділдікке қол жеткізе алмай жүр
Жәбірленушінің анасы бір ғана адамның күдікті ретінде танылғанына наразы