«Жапалақ ауылында жедел тергеу тобы жіберілді. Полиция қызметкерлері жол бойында қанға боялған белгісіз әйелді көрген. Ол 1938 жылғы Арзиқан Мұрзаева болып шықты. Мәйітті тексеру кезінде әйелдің мойнынан пышақталғаны анықталды. Ізін суытпай аталған қылмысқа күдікті 85 жастағы Ташполот Мұрзаев ұсталды», – дейді ІІБ қызметкерлері.

Қайғылы оқиға орнына Ош қаласының Ішкі істер басқармасы қызметкерлері бірінші болып жетті, деп хабарлайды 24.kg.

Ал қылмыс жасаған қарт ішімдік ішіп, мас болғандықтан осындай әрекетке барғанын айтып ақталды.

«Сол күні мен аздап ішімдік іштім. Асқа отырған кезде бәйбішеммен керісіп қалдық. Мен дер кезінде ашуымды баса алмай, пышақпен құлақ тұсынан ұрдым. Осыдан кейін ол айқайлап көшеге жүгіріп кетті», – дейді Мұрзаев.

Марқұм әйелі көшеде көмек сұрап айқайлап жүгірген. Көп қан жоғалтқандықтан үйіне жетіп, сол жерде көз жұмған. Қазір қылмыстық іс қозғалып, қылмыскер тергеу абақтысына қамауға алынды.

Тағы да оқыңыз:

Қалыңдықтың басына ішімдік құйып мазақ еткен азамат елдің ашуына тиді (видео)

Халықаралық полиция енді Әбілязовтың ізіне түспейтін болды

Ер адам анасы үшін 20 жылдан бері марқұм әпкесінің кейпінде жүр (фото)

Талқылау