"70% жағдайда үлкендер мән бермеген": Балалар омбудсмені бүлдіршіндерге қатысты зорлық пен қауіпсіздік мәселесін сөз етті
Балалар омбудсмені Динара Зәкиева халықаралық балаларды қорғау күнімен құттықтауында ата-ананың баланың өміріне деген жауапсыздығы мәселесін көтерді. Бұл туралы Stan.kz ақпарат агенттігі хабарлайды.
Балалар омбудсменінің айтуынша, ата-ана баланың өмірі үшін жауапты екенін түсіну керек.
"Балаларды қорғау, олардың құқықтарын қамтамасыз ету және қолайлы өмір сүру жағдайларын жасау – қоғамның әрбір мүшесінің басты міндеті. Оның қауіпсіздігі мен өмірі үлкендердің қолында екенін ұмытпайық. Ата-ана ретінде үлкен жауапкершілікті сезінуіміз керек. Күн сайын үш бала терезеден құлап, уланып немесе қайғылы оқиғалар салдарынан мерт болады. 70% жағдайда олардың айналасындағылар дер кезінде әрекет етпеген", – деп атап өтті Динара Зәкиева.
Ол барлық ересектерді жауапкершілік танытуға, баланың қорғаушысы болуға және әрдайым балаға көмектесуге шақырды.
Талқылау