5 жылда 70 грант берілді: MIRAS бағдарламасы оқушылардың өмірін қалай өзгертіп жатыр

2021 жылдан бері NNEF қоғамдық қоры мен Тимур Құлыбаевтың Halyk қайырымдылық қоры талантты балаларға халықаралық бағдарламалар бойынша тегін білім алу мүмкіндігін ұсынып келеді. 

Астана мен Алматы қалаларында орналасқан MIRAS халықаралық мектебінде дарынды оқушыларға білім гранттарын табыстау рәсімі өтті. Бұл бағдарлама қатарынан бесінші жыл жүзеге асырылып келеді және Қазақстанның түкпір-түкпірінен шыққан қабілетті жасөспірімдерге елден шықпай-ақ халықаралық деңгейде білім алуға мүмкіндік береді. Бағдарламаға бастамашы болған – NNEF қоғамдық қоры мен Тимур Құлыбаевтың Halyk қайырымдылық қоры.

Биыл байқауға Қазақстанның түкпір-түкпірінен 2 мыңнан астам оқушы қатысқан. Олардың ішінен 17 жоғары сынып оқушысы жеңімпаз атанып, білім гранттарына ие болды. Олардың әрқайсысы математика, ана тілі және ағылшын тілі пәндерінен қабылдау емтихандарын сәтті тапсырып, білім деңгейлерінің жоғары екенін дәлелдеді. Енді олар MIRAS мектептерінде Халықаралық бакалавриат бағдарламасы бойынша білім алатын болады. 

Осындай оқушылардың бірі алматылық Алдияр Есенбаев 50 пайыздық грантқа ие болды. Ол компьютерлік инженерия саласында мансап құрып, жетістікке жетуді армандайды. Сол себепті ол MIRAS мектебіндегі білімнің бұл мақсатқа жетуіне көмектесетініне сенімді.

“Меніңше, инженер қазіргі таңда ең сұранысқа ие мамандықтардың бірі. Сондықтан осы саланы таңдадым. Компьютерлік инженерия бойынша білікті маман атанып, Қазақстанды бүкіл әлемге танытқым келеді. Осындай мүмкіндік сыйлаған NNEF және Halyk қорларына алғысым шексіз. Өйткені сіздердің сенімдеріңіз бізге есейіп, жауапкершілікті өз мойнымызға алуға көмектеседі”, – деді Алдияр. 

Гранттық бағдарлама 2021 жылдан бері жүзеге асырылып келеді. Осы уақыт аралығында оған 70-тен астам мектеп оқушысы қатысты. Жыл сайын мыңдаған 9–10-сынып оқушылары MIRAS мектептерінде Халықаралық бакалавриат (IB) бағдарламасы бойынша 10–11-сыныпта білім алу үшін өтініш береді. Бағдарлама оқу ақысын 100%, 50% немесе 30% көлемінде жабады. 

MIRAS мектептеріндегі білім грант иегерлерінің айтарлықтай жетістіктерге жетуінің мықты негізіне айналды. Бұл мектептің түлектері жыл сайын IB Diploma Programme емтихандарында үздік оқушылардың қатарынан көрінеді. Атап айтқанда 45 балдың ішінен 40-тан астамын жинап жүр. Ал бұл көрсеткішке әлем бойынша тек шамамен 8% ғана оқушы қол жеткізеді. Мектептің 37-ден астам грант иегері әлемнің үздік университеттеріне оқуға түсті. Олардың қатарында: Оксфорд, Нью-Йорк университеті, Гонконг ғылым және технология университеті, Бостон университеті, Лондондағы Корольдік колледж сияқты беделді оқу орындары және басқа да танымал жоғары оқу орындары бар.

"Еліміздің дарынды жастарын қолдау – Halyk қайырымдылық қоры жұмысының басты бағыттарының бірі. 2021 жылдан бастап біз жыл сайын халықаралық MIRAS мектептерінде оқуға дарынды оқушыларға 100% білім гранттарын ұсынып келеміз. Біздің мақсатымыз – барлық балаларға өз қабілеттерін толық жүзеге асыруға мүмкіндік беру. Қуантатыны бағдарлама қатысушылары жоғары нәтиже көрсетіп, шетелдің үздік университеттеріне оқуға түсіп жатыр", – деді Halyk қорының басқарушы директоры Нариман Әбілшаиков.

Сарапшылардың айтуынша, MIRAS гранттық бағдарламасы білім мен дарынды жастарды қолдауға үлкен үлес қосуда. Бағдарлама тек дарынды оқушыларға қолдау көрсетіп қана қоймай, әлемдік деңгейде білім алуға дайын жаңа буын түлектерінің қалыптасуына ықпал етеді. NNEF және Halyk қорларының бірлескен бастамасы қайырымдылық пен білімнің тиімді серіктестігін көрсетеді. Бұл бастама Қазақстанның болашақ көшбасшы мамандарын тәрбиелеуге жол ашады.