Соңғы жаңалықтар
Соңғы жаңалықтар

Сарыағаштағы 5 жасар қыздың өлімі: Күдіктіге жеңіл үкім шығарған сот төрағасы қызметінен босатылады

Түркістан облысы Сарыағаш аудандық сотының төрағасы Нұрғазы Шетенов кішкентай қызды өлтірген күдіктіге заңсыз үкім шығару фактісі бойынша қызметінен босатылады. Бұл туралы Stan.kz ақпарат агенттігі хабарлайды.

"Жоғарғы сот үстіміздегі жылдың мамыр айында бес жасар қызды өлтірген күдіктіге қатысты заңсыз үкім шығару фактісі бойынша қызметтік тексеру жүргізді. Нәтижесінде Түркістан облысы Сарыағаш аудандық сотының төрағасын қызметінен босату туралы мәселе қозғалды", – деді Жоғарғы сот.

Айта кетейік, оқиға 13 шілде күні Түркістан облысының Сарыағаш ауданында болған. Ауыл тұрғындарының бірінің үйінен дене жарақатын алған бес жасар қыз өлі табылған еді. Бірқатар ақпарат көздері таратқан ақпаратқа сәйкес, қызды зорлап, өлтіріп, денесін бөлшектеп тастаған. Ал күдікті бұрын сотталған 1975 жылы туған нашақор болып шыққан. 

Оқиға тәртіпсіздікке әкеліп, ашулы тұрғындар күдікті кісі өлтірушіні полициядан алып қалуға тырысты. ҚР Қылмыстық кодексінің 99-бабы (кісі өлтіру) бойынша қылмыстық іс қозғалды. Күдікті ұсталып, екі ай мерзімге қамауға алынды.

Президент Қасым-Жомарт Тоқаев жағдайға назар аударып, бұл істі жан-жақты тексеруді тапсырды. Қаза болған қыздың әкесі қылмысты жасады деп күдікке ілінген нашақорға дұрыс емес үкім шығарғандарды жазалауды талап етті.

Еске сала кетейік, бұған дейін  Түркістан облысында бес жасар қызды өлтірді деген күдікпен ұсталған азаматты алдыңғы қылмыстары үшін түрмеге отырғызбаған судьялар және 5 жасар қыздың мәйітін тапқан ауыл тұрғынының оқиғаны баяндап бергені туралы жазған болатынбыз,

Талқылау