28 жастағы әйел тұрмысқа шығуға ұсыныс жасамаған сүйіктісін сотқа берді
Замбияның тұрғыны сүйіктісін тұрмысқа шығуға ұсыныс жасамағаны үшін сотқа берді.
28 жастағы Гертруда Нгома Герберт Салаликимен сегіз жылдан бері қарым-қатынаста екенін айтты. Жігіт оған үйленуге бірнеше рет уәде бергенімен, бәрібір үйленбей жүрген көрінеді.
Сонымен қатар, замбиялық әйел ата-анасымен және Салаликиден туған баласымен бірге тұрады, ал ер адам жалғыз тұрады.
Нгома одан әбден көңілі қалғанын атап өтті және одан жоспарлары туралы сотқа есеп беруін талап етті.
«Ол әрқашан біздің қарым-қатынасымызға жеңіл қарады, сондықтан мен оны сотқа бердім. Мен біздің қарым-қатынасымыздың болашағы қандай болатынын және бұдан кейін не істеуім керек екенін білуге лайықпын», - деп түсіндірді ол.
Сондай-ақ, әйел сүйіктісі өзіне опасыздық жасады деп күдіктенеді.
Салалики тойға ақшам жоқ деп ақталды. Нгомуды оған жеткілікті көңіл бөлмеді деп айыптады. Судья ғашықтар барлық келіспеушіліктерді өздігінен шешуі керек деді.
