28-30 желтоқсанға арналған ауа райы болжамы
Синоптиктер 28-30 желтоқсанға арналған ауа райы болжамымен бөлісті, деп хабарлайды Stan.kz ақпарат агенттігі.
Қазгидромет тағы да циклон күтілуде екендігін айтты.
"Ай ғана емес, жыл да аяқталып келеді. 2019 жылдың соңғы демалыс күндерінде республикамыздың көптеген облыстарында кезекті циклонның өтуімен жауын-шашын, солтүстік аймақтарында қар, бұрқасын, оңтүстікте – жылбысқы қар, тұман және көктайғақ болжануда. Алайда дүйсенбі күні ауа температурасының төмендеуі күтіледі, бірақ орташа климаттық нормадан жоғары болуы сақталады. Бұрқасын мен тұман жолдарда көріну қашықтығын 50-500м дейін нашарлатып коймай, көктайғақ та автокөлік иелеріне және жаяу жүргіншілерге де қиындық тудырады", - деді ауа райын болжаушы мамандар.
Осыған байланысты синоптиктер жолдарда абай болуға кеңес берді.
Талқылау
