220 мыңға жуық Қостанай тұрғындары тегін байланысқа ие болды

Қостанай облысындағы activ/Kcell абоненттері өңірдегі төтенше жағдайға байланысты бонустық топтамаға ие болды – Қазақстанның басқа операторларының абоненттеріне қоңырау шалу үшін 45 минут және 8 ГБ мобильді интернет-трафик. Оператор 220 000 жуық абонентке қолдау көрсетіп, бүкіл аймақты қамтыды.

Компания бұл санның шамамен үштен бірі алдын ала төленген пакеті жоқ абоненттер екенін хабарлады, сондықтан оператор желі ішінде қосымша тегін қоңыраулар ұсынды. Есептелген ресурстар 2022 жылдың 4 қыркүйегінен бастап 7 күн бойы жарамды болады. Баланстағы теңгерімді *111*3# қысқа пәрменін теру арқылы тексеруге болады.

Кеше мобильді байланыс операторының абоненттері қолдау білдірген SMS алды: "Қостанай облысының тұрғындары, осынау қиын кезеңде сіздерді еліміздің түкпір-түкпірінде қолдап, моральдық төзімділік тілейміз. Өзіңізге қамқорлық жасаңыз және жақсы болашаққа сеніңіз!". Сондай-ақ Kcell Қостанай облысынан компанияның байланыс орталығына 116 тегін қысқа нөмірі арқылы қоңырау шалу үшін басымдық беріліп жатқанын хабарлады.

Бұған қоса ҚР Төтенше жағдайлар министрлігінде сенім телефондары ашық екенін еске салайық, психологтардың жұмысы ұйымдастырылды: 8 7172-53-32-84, 8-7142-50-36-24. Сонымен қатар, 112 және 101 телефондарына хабарласуға болады.