22 мамырда Қазақстанның барлық өңірінде дабыл жүйесі іске қосылады
Фото: Ольга СУПОНЕВА
22 мамырда "Орт-2025" республикалық командалық-штабтық оқу-жаттығуы кезінде барлық өңірде дабыл жүйесі іске қосылады. Бұл туралы Stan.kz ақпарат агенттігі хабарлайды.
Павлодар облысының Төтенше жағдайлар департаментінің мәліметінше, жаттығулар 22-23 мамыр аралығында өтеді. Үйлестіру және басқару жөніндегі республикалық штаб Павлодар облысында орналасқан.
"Іс-шара аумақтық азаматтық қорғаныс кіші жүйесінің басқару органдарының, күштері мен құралдарының табиғи өрттер кезіндегі іс-қимылдарға дайындық деңгейін арттыру мақсатында ұйымдастырылып отыр", – делінген хабарламада.
22 мамырда сағат 9:00-де дабыл жүйесінің дайындығы тексеріледі. Барлық өңірде электр сиреналары естіледі. Ведомство тұрғындардан үрейленбеуді сұрайды.
Сондай-ақ Ресей Төтенше жағдайлар министрлігінің күштері мен құралдары шекара маңындағы аймақтардағы табиғи өрттерді сөндіру бойынша іс-шараларды өткізуге пайдаланылады.
Айта кетейік, бұған дейін 30 сәуірде Алматыда дабыл жүйесі іске қосылған еді.
Ата-аналар жекеменшік мектептердегі оқу ақысының қымбаттауына наразы: Биыл білім алу құны қаншаға өсті?
