Келесі жылдың қаңтар айында балалардың есепшоттарына 2024 жылмен салыстырғанда көбірек сома түседі. Молдабекованың айтуынша, 2025 жылы әр балаға бһлінетін орташа төлем мөлшері шамамен 128 долларға (қазіргі курспен 66 304 теңге) тең. Бұл 2024 жылмен салыстырғанда 28 долларға артық. Өсім ұлттық қордың инвестициялық табысының жақсы нәтижелерімен түсіндіріледі. Он айда Ұлттық қордың инвестициялық табысы 5,3 миллиард доллар болды.

Ұлттық банк төрағасы Тимур Сүлейменовтің айтуынша, осы соманың жартысы балаларға арналған төлемдерге жұмсалады. Осылайша, кейінгі жылдардағы жақсы инвестициялық нәтижелердің арқасында төлем сомасы артады.

Ұлттық банктің мәліметінше, төлемдер Ұлттық қордың активтерінің соңғы 18 жылдағы орташа жылдық табысының 50%-ы мен қордың таза валюталық активтерінің нарықтық құнына көбейтілген көрсеткіш негізінде есептеледі. 2024 жылы Ұлттық қордың валюталық активтері шамамен 60 миллиард долларға жетті. Ал кейінгі 18 жылдағы орташа жылдық табыс 3%-ға тең. Сөйтіп, келесі жылы шамамен 7 миллион бала өз төлемдерін алады. Бұл 900 миллион долларға шамалас.

Айта кетейік, биыл 1 қаңтардан бастап Қазақстанның барлық кәмелетке толмаған азаматтарына жыл сайын Ұлттық қордың инвестициялық табысының 50%-ы есептеледі.

Аударымдарды былай тексеруге болады:

заңды өкілдер үшін жеке кабинетте "Электронды үкімет" веб-порталы арқылы www.egov.kz;
БЗЖҚ интернет-ресурсында бақылауға мүмкіндік бар.

Жетісу облысында әкімдер мен директорлар мүгедектігі барлар мен көпбалалы аналарға берілетін жәрдемақыны жымқырған

Қазақстанда 1 қаңтардан бастап мүгедектер мен жетімдерге берілетін әлеуметтік төлемдер өседі

Еске салайық, бұған дейін "Ұлттық қор – балаларға" бағдарламасы бойынша ақшаны алу ережелері бекітілгенін жазған едік. Сонымен қатар осыған дейін қазақстандық әр балаға "Ұлттық қор — балаларға" жобасы аясында жыл сайын 150-160 доллардан төленетіні айтылған еді. Мұндай деректерді қаржы министрлігі келтірген.

Талқылау