2025 жылдың ең танымал көлігі анықталды: RAV4 сатылым бойынша Corolla-ны басып озды

2025 жылдың басынан бастап сатылым деңгейі бойынша Toyota RAV4 моделі аңызға айналған Toyota Corolla-ны басып озып, көш бастады. Ал электрлі Tesla Model Y төртінші орынға тұрақтады. Бұл туралы Stan.kz ақпарат агенттігі хабарлайды. 

Фото: pixabay.com

Focus2Move сарапшыларының дерегіне сәйкес 2025 жылы кроссоверлер мен пикаптарға сұраныс жоғары болған. Сатылым деңгейі бойынша алғашқы ондықта тұрған көліктердің ішінде 6 кроссовер мен 2 пикап бар.

Рейтингтің басында Toyota RAV4 тұр. 2025 жылдың алғашқы 2 айында бұл модельдің 73,9 мың данасы сатылған. Екінші орында Toyota Corolla тұр, әлем бойынша 70,8 мың данасы сатылды. Ал рамалы Ford F-Series бірден төрт орынға көтеріліп, үшінші орынға тұрақтады (69,8 мың данасы сатылған). 

Алғашқы ондықта тек бір электромобиль бар. Сатылым деңгейі түсіп кеткендіктен, Tesla Model Y төртінші орынға тұрақтады. Сарапшылардың дерегіне сәйкес, сатылымның төмендеуіне қуаттау станцияларының инфрақұрылымы дамымауы мен жеткізу қызметіндегі мәселелер және бәсекелестердің көбеюі себеп болуы мүмкін. 

2025 жылы ең көп сатылған көліктер: 

• Toyota RAV4 — 73,9 мыңы сатылған (-11,4%);
• Toyota Corolla — 70,8 мың (-26,4%);
• Ford F-Series — 69,8 мың (+42,5%);
• Tesla Model Y — 64,4 мың (-19,6%);
• Honda CR-V — 53,5 мың (-25,2%);
• Volkswagen Tiguan — 46,1 мың (+10,6%);
• Chevrolet Silverado — 44,7 мың (-8,8%);
• Hyundai Tucson — 44,6 мың (-9,8%);
• Toyota Camry — 43,5 мың (-8,1%);
• Kia Sportage — 39,3 мың (-7,7%).

Сарапшылардың дерегіне сәйкес, көлік нарығы әрі қарай да өзгере береді. Ал танымал көліктер қатарында дәстүрлі жанармаймен жүретін көліктермен қатар, гибридті және электр моторлы көліктер болады.