18 жастағы қазақстандық шахматшы халықаралық жарыста күміс жүлде жеңіп, әлем чемпионатына жолдама алды
Фото:Chess.com
Қазақстандық шахматшы Алуа Нұрман Германияда өткен GRENKE Chess Festival фристайл-шахмат турнирінде әйелдер арасындағы 2-орынға ие болып, әлем чемпионатына жолдама алды. Бұл туралы Stan.kz ақпарат агенттігі хабарлайды.
18 жастағы Алуа Нұрман жарыста ерлермен бірге Open санатында бақ сынады. Жалпы кестеде ол 6 ұпай жинап, 39-орынға тұрақтады. Әйелдер арасындағы нәтижеде Нұрман жеңімпаз Харика Дроновалиден (Үндістан) 8 турдан кейін қосымша көрсеткіш бойынша жеңіліп, күміс жүлдеге ие болды. Ал үшінші орынға неміс шахматшысы Динара Вагнер тұрақтады.
Әйелдер арасындағы үш жүлдегер 2027 жылдың басында өтетін фристайл-шахматтан (Фишер шахматынан) әлем чемпионатына жолдама алып отыр. Сондай-ақ тағы бір қазақстандық шахматшы Меруерт Камалиденова 5,5 ұпаймен, Ксения Балабаева 5 ұпаймен жарысты аяқтады.
Қазақстандық шахматшы әлемге әйгілі гроссмейстермен суретке түсемін деп басы дауға қалды
Сондай-ақ Open санатында нерманиялық Винсент Кеймер 7,5 ұпаймен жеңімпаз атанды. Екінші орынға 7 ұпай жинаған Франция өкілі Максим Вашье-Лаграв, ал үшінші орынға классикалық шахматтан әлем чемпионы Магнус Карлсен (Норвегия) жайғасты.
