15 адамның өмірін қиған Бондидегі атыс: Навид Акрамға 59 айып тағылды

Фото: Саид Хан / AFP via Getty Images

Әкесі мен ұлы Сиднейдің Бонди жағажайында атыс ұйымдастырып, 15 адам қаза тапты. Шабуыл жасағандардың бірі 50 жастағы Саджид Акрам оқиға орнында көз жұмды, ал оның 24 жастағы ұлы Навид Акрам ауыр халде ауруханаға жеткізілген. Полиция оқиғаны текарт деп атады. Бұл туралы Stan.kz ақпарат агенттігі Bbc.com-ға сілтеме жасап хабарлайды.

2025 жылғы 14 желтоқсанда Ханука мейрамын атап өту кезінде екі террорист мерекеге қатысушыларға оқ жаудырған. Куәгерлердің айтуынша, аптап ыстық кеште адамға лық толы әйгілі жағажайда болған шабуыл шамамен 10 минутқа созылған.

Жексенбі күні жергілікті уақытпен сағат 18:47-де (Астана уақытымен түскі 12:47-де) Сидней полициясына жағажай маңындағы шағын саябақта Ханука мерекесін тойлауға жиналған мыңнан астам адамдар арасында атыс болғаны туралы хабар түскен.

Кейінірек оқиға сәтінен бейнежазба пайда болды. Онда екі адамның бірнеше минут бойы жағажайға апаратын көпір үстінен адамдарға оқ атқаны көрінеді. Тағы бір видеода көпірден төмен түсіп, жағажайға қарай беттеген атқышқа бір адам артынан білдіртпей келіп, оған тап беріп, винтовкасын немесе мылтығын тартып алғаны байқалады. Осыдан кейін атқыш оқиға орнынан кетіп қалған.

Бұл оқиға 1996 жылдан бері елдегі ең көп адамның өмірін қиған атыс болды.

Терроршыларға қандай айып тағылды?

Жаңа Оңтүстік Уэльс полициясының мәліметі бойынша, Сиднейдің Бонди жағажайында жаппай атысқа қатысы бар деп күдіктелген, аман қалған Навиду Акрамға 59 айып тағылған, оның ішінде 15 айып өлтіру және бір айып террорлық акт жасауға байланысты. 24 жастағы Акрам теракт кезінде ауыр жарақат алды. Оның әкесі, 50 жастағы Саджид Акрам, полициямен болған атыс барысында оқиға орнында қайтыс болды.

Акрамға тағылған айыптар арасында қасақана ауыр дене жарақаттарын салу бойынша 40 айып және террористік ұйымның тыйым салынған символын ашық көрсету бойынша бір айып бар. Мәліметтерге сәйкес, Акрам ісі бойынша алғашқы сот тыңдауы оның аурухана төсегінде өткен, ал іс қарау 2026 жылғы сәуірге дейін кейінге қалдырылған.

Сәрсенбі күні Жаңа Оңтүстік Уэльс полициясының комиссары Мал Лэньон дәрі-дәрмектердің әсері аяқталғанша Акрамды ресми түрде сұрау жүргізу күтілетінін айтты.

“Әділдік үшін біз оның не болып жатқанын түсінуін қамтамасыз етуіміз керек”, - деді Лэньон.

Сәрсенбі күні кешке Сидней ауруханаларында 17 адам қалды. Оның біреуі ауыр жағдайда, ал төрт адамның жағдайы ауыр, бірақ тұрақты деп сипатталды.

Полиция шабуылды террористік акт ретінде классификациялады, ал Аустралияның премьер-министрі Энтони Албанезе бұл шабуылдың “Ислам мемлекеті” ұйымының идеологиясы бойынша қозғалған болуы мүмкін екенін айтты.

16 желтоқсанда әкесі мен ұлы қараша айында Филиппинге барғаны белгілі болды. Филиппин иммиграция қызметінің өкілдері BBC-ге олардың 1-28 қараша аралығында елде болғанын хабарлады. Олардың соңғы бағыты Давао қаласы болған.

Навид Акрам Аустралия паспортымен, ал оның әкесі Саджид Үндістан паспортымен Филиппиндерге барған. Саджид Акрам Оңтүстік Үндістандағы Хайдарабад қаласынан шыққан, бірақ ол отбасымен “шектеулі байланыс орнатқан”.Бондидағы теракт құрбандарын еске алу мақсатында гүл композициясы орнатылды.

Қаза тапқандар

Шабуыл нәтижесінде қаза тапқандар арасында Холокосттан аман қалған екі раввин және Матильда есімді 10 жастағы қыз болды.

Шабуылдың алғашқы кезеңінде бір қарулы адаммен күрескен жұп Борис пен София Гурман да қаза тапқандар қатарында.

Тағы 27 адам жарақат алып, ауруханаға жеткізілді, оның ішінде екі полиция қызметкері бар.

Полиция қызметкерлерінің бірі 22 жастағы Джек Хибберт бір көзінен айырылған, оның отбасының ақпаратына сәйкес, ол “ұзақ әрі күрделі қалпына келтіруді” бастан өткереді.

Күннің алғашқы жартысында мыңдаған адам Сиднейде Холокосттан аман қалған, Ұлыбританиядан шыққан раввин Эли Шлангердің өмірін еске алу үшін жиналды. Раввин Шлангердің жерлеу рәсімінде сөз сөйлеген Раввин Леви Вольф оның өлімін “қоғам үшін орны толмас қаза” деп атады.

“Эли бізден кеткенде біз сүйікті ісімізбен айналысып жүрдік. Махаббат пен қуаныш таратумен, өз халқына өмірінде де, өлімінде де шексіз өзін-өзі құрбандыққа шалып көмек көрсетумен, ол ең жоғары және қасиетті рухтардың бірі ретінде көтерілді”, - деді ол.

Раввин Шлангер Ханукаға арналған іс-шараны ұйымдастыруға көмектесіп жүрген.

Дэн Элкаямның қаза тапқанын Францияның сыртқы істер министрі Жан-Ноэль Барро растады. Оның LinkedIn-дегі профиліне сәйкес, Элкаям мырза NBCUniversal компаниясында IT-талдаушы болып жұмыс істеген және Аустралияға былтыр көшіп келген. Ол сондай-ақ футболды жан-тәнімен сүйген ойыншы болған және “жоғары лигадағы командандың ажырамас мүшесі” саналған.

Александр Клейтман Холокосттан аман өтіп, Аустралияға Украинадан келген. Ол әйелін атқыштың оғынан қорғаймын деп қаза тапқан. Оның артында жұбайы, екі баласы және 11 немересі қалды.

Бұрынғы полиция қызметкері Питер Мигер де Ханукаға арналған іс-шарада штаттан тыс фотограф ретінде жұмыс істеп жүрген кезінде қаза тапқан.

1970 жылдары жасөспірім кезінде бұрынғы Кеңес Одағынан Аустралияға қоныс аударған Реувен Моррисонның қазасын “Хабад” ұйымы растады. 

“Хабад” ұйымының мәліметінше, Тибор Вайцен әйелі мен немерелерімен бірге іс-шараға қатысып жүрген кезде, отбасы досын қорғауға тырысқанда қаза тапқан.

82 жастағы Марика Погани Аустралия еврейлерінің атқарушы кеңесі мен жергілікті бұқаралық ақпарат құралдары тарапынан құрбандардың бірі ретінде аталды.

Эдит Брутманның есімі дүйсенбі күні жергілікті уақытпен кешке Бонди павильонында өткен еске алу рәсімі кезінде аталды.

Борис Теллеройд пен оның ұлы Ханукаға арналған іс-шарада болған кезде қарулы адамдардың шабуылы салдарынан екеуі де жарақат алған. Теллеройд мырза осы іс-шара барысында қаза тапты, ал оның ұлы ауыр жарақатпен ауруханада жатыр. Бұл туралы отбасыға қолдау көрсету үшін ашылған GoFundMe парақшасында оның жиені Лейя Ройтур хабарлады.

Төрт баланың 50 жастағы әкесі Адам Смит шабуыл болған сәтте жұбайы Катринамен бірге Бонди жағажайында серуендеп жүрген.

Айта кетейік, бұған дейін қытайлық миллиардер суррогат аналар арқылы 100 баланың әкесі атанғаны хабарланған еді.