14 наурызда Көктөбедегі аспалы жолға міну тегін болады
Алматыда 14 наурызда Көктөбеге баратын аспалы жол тегін жұмыс істейді. Бұл туралы Stan.kz ақпарат агенттігі хабарлайды.
Фото: Depositphotos.com
Наурыз мерекелерінде Көктөбедегі аспалы жол тегін болады.
"14 наурызда Алматыда Амал мерекесі – Көрісу күні мерекесіне орай театрландырылған мерекелік концерт өтеді. Бұл күні қала тұрғындары мен қонақтары Көктөбеге жиналып, көктемнің келуімен құттықтайды", – делінген хабарламада.
Сағат 11:00-де ашық аспан астында "Көктөбедегі амал күні" мерекелік концерті өтеді, оған Роза Рымбаева, Жанар Айжанова, "Жігіттер" тобы және т.б. келеді.
"14 наурыз мерекесіне орай сағат 9:00-ден 13:00-ге дейін Көктөбеге аспалы жол тегін жұмыс істейді", – деп атап өтті әкімдік.
Наурыз онкүндігі аясында 14-25 наурыз аралығында қала тұрғындары мен қонақтары 100 түрлі іс-шараға қатыса алады. Көрмелер, қойылымдар, спорттық жарыстар болады.
Талқылау