"110 миллион теңге шығын келді": Ақтөбеде әуе кемелеріне бөлшектер алынғанымен, бірақ шын мәнінде жөндеу жүргізілмеген
Видеодан скриншот
Қаржы мониторингі агенттігінің Ақтөбе облысы бойынша департаменті "Авиажөндеу зауыты №406 ГА" АҚ-ның бұрынғы басшысына қатысты бюджет қаражатын жымқыру фактісі бойынша тергеуді аяқтады. Бұл туралы Stan.kz ақпарат агенттігі хабарлайды.
Авиажөндеу зауытының бұрынғы басшысы қызметтік өкілеттігін пайдалана отырып, әуе кемелерін жөндеуге арналған тауарлық-материалдық қорларды заңсыз есептен шығару схемасын ұйымдастырған.
“МИ-2 тікұшақтарына, АН-2 әуекемелеріне және қозғалтқыштарға арналған агрегаттар мен қосалқы бөлшектерді жалған сатып алу тиесілі бақылауындағы компаниялар арқылы жүргізілген. Зауыттың құжаттарында аталған агрегаттар қоймадан алынған және
күрделі жөндеу кезінде авиациялық техникаға орнатылған ретінде көрсетілген. Бірақ іс жүзінде қолданылмаған”, – делінген хабарламада.
Кейіннен олардың пайдаланылғанын формалды түрде растайтын есептен шығару актілері бекітілген.
Мемлекетке келтірілген шығын – 110 миллион теңге.
Сот санкциясымен күдіктіге тиесілі 2 пәтер мен жер учаскесіне тыйым салынды. Қылмыстық іс сотқа жолданды.
Алматы әкімдігі тұрғындардың наразылығын тудырған эстакадаға қатысты суретке түсініктеме берді
