11 млн теңге беріп қойған: Жамбыл облысында арзан көлік алмақ болған азамат алаяққа алданып қалды
Арзан көлік алмақ болған Жамбыл облысының тұрғыны алаяққа алданып қалды, деп хабарлайды Stan.kz ақпарат агенттігі.
Жамбыл облысы Меркі ауданының полиция бөліміне 40 жастағы жергілікті тұрғын алаяққа алданып қалғаны туралы шағымданған. Айтуынша, өткен жылдың шілде айында өзінің танысы Toyota Hilux автокөлігін арзан бағаға сатып алуға көмектесуге уәде беріп, одан 11 743 700 теңге алған. Алайда 9 айдан кейін уәде етілген көлікті де, ақшаны да алмаған.
"Облыс орталығының 39 жастағы тұрғыны ұсталды. ҚР Қылмыстық кодексінің 190-бабы 3-бөлігімен сотқа дейінгі тергеу амалдары басталды. Күдікті уақытша ұстау изоляторына қамалды", - делінген полиция хабарламасында.
Талқылау