"Балаларды тек осы күні саябаққа апару керек пе": 1 маусымдағы адамдар тобы алматылықтарды шошытты
Видеодан скрин
Желіде 1 маусым күні Алматы хайуанаттар бағында және орталық қалалық демалыс паркінде түсірілген видеолар тарады. Бұл туралы Stan.kz ақпарат агенттігі хабарлайды.
Кадрлардан балалар мен ересектердің көп жиналғанын, ұзын-сонар кезекте тұрған адамдарды көруге болады.
"Балалар 1 маусымнан басқа күндері қыдырмайтын сияқты", "Жануарлар бұл күйзелістен ұзақ уақыт айыға алмайтын шығар", "Біз де сол жерде болдық, керемет демалдық" – деп жазды желі қолданушылары.
Алматы хайуанаттар бағы жағдайға байланысты пікір білдірілді. 1 маусым күні бір күннің ішінде хайуанаттар бағына 18 905 адам келген. Олардың ішінде 11 645 ересек, 3 613 бала және 3 647 жеңілдік санатына жататын келушілер болған. 6 жасқа дейінгі балалар тегін кіреді.
"Хайуанаттар бағының әкімшілігі барлық келушілерді қабылдады. Бақ аумағында ешқандай бұзушылықтар немесе оқиғалар тіркелген жоқ", – деді бізге хайуанаттар бағасының баспасөз қызметі.
1 маусым күні қала тұрғындары хайуанаттар бағасының маңындағы заңсыз саудаға шағымданды. Медеу ауданының әкімдігі сол күні парк пен хайуанаттар бағы арасындағы жаяу жүргіншілер жолында рұқсат етілмеген сауда жүргізілгенін растады.
"Бұзушылықтарға жол берген адамдарға қатысты "Белгіленбен орындарда сауда жасау" бабы бойынша 15 әкімшілік хаттама толтырылды. Жалпы айыппұл сомасы 589 800 теңгені құрады", – делінген әкімдік хабарламасында.
