1 қыркүйек демалыс күні үшін мұғалімдерге ақы төленеді
Еңбек және халықты әлеуметтік қорғау министрлігі мұғалімдерге 1 қыркүйек демалыс күніндегі жұмысына ақы төленетінін түсіндірді, деп хабарлайды Stan.kz ақпарат агенттігі.
«Ашық диалог» порталындағы еңбек және халықты әлеуметтік қорғау министрі Біржан Нұрымбетовтің блогында білім және ғылым министрлігі, барлық аумақтық департаменттер, білім бөлімдері және орта мектептер жұмысшыларды тарту туралы бұйрық не жазбаша бұйрықтар шығаруға міндетті ме? деген сауал болды.
Өтініш авторы Мәлік Жұмағалиев сонымен қатар мұғалімдердің демалыс күндері олардың келісімінсіз жұмысқа тартылуы заңды ма және олар сол күні жұмыс үшін қосымша ақы алады ма деп сұрады.
Еңбек және халықты әлеуметтік қорғау министрлігі демалыс күніне жұмыскерді тарту үшін оның жазбаша келісімі қажет екенін атап өтті.
«Жұмыскердің демалыс күндері жұмысқа қатысуына қызметкердің жазбаша келісімімен рұқсат етіледі және оның жұмысы үшін басқа демалыс күні беріледі (жұмыс істеген уақытына сәйкес) немесе төлем қызметкердің күнделікті (сағаттық) ставкасының негізінде бір жарым еседен кем емес төленеді. Егер қызметкер бас тартса, бұл еңбек тәртібін бұзу емес, тиісінше оған ешқандай заңды салдарлар әкелмейді », - деп жазды министр Біржан Нұрымбетов.