Жапонияда кірпілері бар кафе ашылды
Жапонияда ашылған кафеде келушілер кірпілерді қолдарына алып уақыт өткізе алады. Ол үшін жұмыс күндері сағатына 1000 иен (3000 теңге), ал демалыс күндері (4000 теңге) төлеуі керек. Кафеде әр түрдегі 20 кірпі бар. Олар шыны жәшіктерде тұрады.
Сурет: ustinka.kz
Кафеде қояндармен де жұмыс істейтін қызметкер Мизуки Муратаның айтуынша, келушілер кірпілерді алу үшін кезекке тұрады екен.
«Осылайша біз адамдарға кірпілердің тікенекті болса да сондай сүйкімді жануар екенін көрсеткіміз келді. Кафеге келушілер кірпіні ұстап көріп, үйреніскен соң олардан қорықпайтын болады деп ойлаймын», – дейді ол.
Талқылау