СҚО-дағы көлде балық қырылып жатыр (видео)
Солтүстік Қазақстан облысы Есіл ауданындағы Соленое көлінде балық қырылып жатыр. Бұл туралы Stan.kz ақпарат агенттігі хабарлайды.
Фото видеодан алынған
Соленое көлі Есіл ауданындағы Покровка елді мекенінің маңында орналасқан. Балықтың қырылғанын ауыл тұрғындары байқап, видеоға түсіріп алған.
СҚО экология департаментінің мәліметінше, осы факті бойынша жауапты мемлекеттік органдардан құралған топ көл аумағынан және өлген балықтан сынама алып, тексеріс бастаған.
СҚО табиғи ресурстар және табиғат пайдалануды реттеу басқармасының мәліметінше, Соленое көлін "Чекунов" жеке кәсіпкерлігі жалға алған. Көл 58 гектар аумақты алып жатыр. Көлдің орташа тереңдігі 1-2 метрден аспайды.
Талқылау