Ресейлік "Лукойл" Украина шабуылдарынан кейін Қазақстанда алғашқы жанармай бекетін ашты
Ресейлік "Лукойл" Қазақстанда жеке брендімен алғашқы автожанармай құю бекетінің ашылғанын мәлімдеді. Бұл туралы Stan.kz ақпарат агенттігі хабарлайды.
Фото: card-oil.ru
"Автожанармай құю кешені алғаш Өзбекстанда іске қосылды, енді “Лукойл " Қазақстанда алғашқы франчайзингтік жанармай құю бекетін ашты. Бұл компанияның өзі үшін де, жергілікті жанармай сатушылар үшін де дамудың жаңа мүмкіндігі", — делінген хабарламада.
Компания жанармай құю станциясы қай жерде орналасқанын нақтыламады, тек “Лукойл" Қазақстанда 1995 жылдан бастап мұнай өндіру және тасымалдау, жағармай материалдары мен жасыл энергетика жобаларын дамыта отырып жұмыс істеп жатқанын еске салды.
16 наурызда Сызраньдағы ("Роснефть") мұнай өңдеу зауытына шабуыл жасалды, 13 наурызда “Кинеф” мұнай өңдеу зауытына ұшып келе жатқан дрон жарылды. Сол күні украиналық дронның шабуылынан Рязань мұнай өңдеу зауытында ("Роснефть") өрт тұтанды. 12 наурызда украиналық дронның шабуылы салдарынан Нижний Новгород облысының Кстово қаласында "Лукойл-Нижний Новгороднефтеоргсинтез" мұнай өңдеу зауытында мұнайды бастапқы өңдеу қондырғыларының бірінің жұмысы тоқтатылды. Құрылғының қуаты – зауыттың жалпы өнімділігінің жартысына жуығы еді. 2023 жылы мұнай өңдеу зауыты 15,7 млн тонна мұнай өңдеп, 4,9 млн тонна бензин, 5,6 млн тонна дизель отыны және басқа да өнімдер өндірді. Мұнай өңдеу зауыттарына биыл қаңтарда шабуыл жасамақ болды, бірақ электронды соғыс құралдарының көмегімен Кстовоға ұшып жетіп қалған кезде дронға төтеп берді. Бұл мұнай өңдеу зауыты – "Лукойл" зауыттарының ішіндегі ең ірілерінің бірі.
Сондай-ақ 12 наурызда Орловтағы мұнай қоймасы, ал 10 наурызда Курск қаласындағы мұнай базасына шабуыл жасалды. 2 сәуірде дрон Нижнекамскідегі қуаты жылына 8 млн тонна мұнайды бастапқы өңдеу қондырғысы – "Танеко" мұнай өңдеу зауытына шабуыл жасады (Татарстан мұнай өңдеу зауытының жалпы қуаты — жылына 17 млн тонна мұнай).
Бұған дейін БАҚ хабарлауынша, АҚШ шенеуніктері 2024 жылғы қарашада АҚШ президентін сайлауға дейінгі кезеңде жанармай бағасының көтерілу қаупінен қорқып, Украина билігінен ресейлік мұнай өңдеу зауыттарына шабуыл жасамауды сұраған.
Сондай-ақ "ҚазМұнайГаз" ресейлік "Лукойлға" Қаламқас-Теңіз, Хазар, Әуезов кен орындарының 50% үлесін сатып жібергенін жазған едік.
Былтыр "ҚазМұнайГаздан" Kalamkas Khazar Operating компаниясының жарты үлесін сатып алған ресейлік "Лукойл" ЖАҚ оған 200 млн доллар төлеген. Мұндай дерек “ҚазМұнайГаздың” қаржы есебінде жазылған.