Полицейлер Алтынбек Сәрсенбаевтың немересінің өліміне қатысты күдіктіні ұстады
Алматы полицейлері Жанар Қайырбекованың өліміне қатысты тергеу жүргізіп жатыр. Бұл туралы қалалық ІІД ресми өкілі Салтанат Әзірбек мәлімдеді, – деп хабарлайды Қазақстан жаңалықтар.
Сурет dni24.com сайтынан алынды
Полицейлер саясаткер Алтынбек Сәрсенбаевтың немересі Жанар Қайырбекованың өліміне қатысты күдіктіні ұстады.
Салтанат Әзірбектің айтуынша, бұл өлім аяқ астынан туған ұрыс салдарынан болған.
«Қылмыстық полиция басқармасының қызметкерлері мен Бостандық ауданы ІІО қызметкерлерінің қатысуымен өткен жедел іздестіру шаралары барысында 1983 жылғы Алматы облысының тұрғыны ұсталды. Оның пышақпен жарақаттағаны белгілі болды. Қазір қылмыстық іс қозғалып жатыр», – дейді Әзірбек.
Талқылау