Назарбаев пен Путин Сирия келіссөздерінің қорытындысын талқылады
Нұрсұлтан Назарбаев пен Владимир Путин Астана процесін әрі қарай жалғастырудың маңыздылығын ерекше атап өтті.
Сурет: Алау-ТВ
Елбасы Нұрсұлтан Назарбаев Ресей Федерациясының Президенті Владимир Путинмен телефон арқылы сөйлесті, деп хабарлайды Ақорданың баспасөз қызметі.
Мемлекеттер басшылары әңгіме барысында биылғы 30-31 қазанда Астанада Сирия мәселесі бойынша өткен халықаралық кездесудің кезекті раундының қорытындыларын талқылады. Тараптар Сириядағы жағдайды толығымен реттеу үшін Астана процесін әрі қарай жалғастырудың маңыздылығын ерекше атап өтті.
Президенттер, сондай-ақ, биылғы 9 қарашада Челябинск қаласында өтетін Қазақстан мен Ресейдің ХІV өңіраралық ынтымақтастығы форумына дайындық барысын қарастырды. Бұдан бөлек, екі елдің көшбасшылары екіжақты қарым-қатынастардың және халықаралық күн тәртібінің өзекті мәселелеріне назар аударды.
Жіберіп алмаңыз:
Қырғызстандық балалар Атамбаев пен Назарбаевтан татуласуларын өтінді
ОҚО-да жезөкше болуға көнбеген қыздарын ата-анасы үйден қуып жіберген (видео)
Қазақстанда жаңа жол белгілері пайда болды
Қазақстанда тұрғылықты жері бойынша тіркеуге тұрудың жаңа түрі енгізілді