Мәскеуде Арыстанбек Мұхамедиұлына қарсы жауап берген қырғыздар марапатталды
Мәскеуде Қазақстанның Мәдениет және спорт министрі Арыстанбек Мұхамедиұлының пікіріне қатысты жауап берген екі қырғызстандық әйелді Қырғызстан президенті Атамбаевтың атынан марапаттады.
Сурет: zanoza.kg
Бұл туралы Ресей Федерациясындағы Қырғызстан елшілігі хабарлайды.
28 маусым күні Ресейдегі Қырғызстан елшілігінде президент Алмазбек Атамбаевтың атынан Арыстанбек Мұхамедиұлының қырғыздар жайлы айтқан пікіріне қарсы жауап берген екі қырғыз әйелді марапаттады.
Ресей Федерациясындағы Қырғыстан республикасының Төтенше жағдайлар мен өкілетті елшісі Болот Отунбаев видеоролик қатысушылары Қарабаева мен Кожоева атты азаматшаларды азаматтық позициясы үшін алғысын білдіріп, ақшалай сыйлықтар мен естеліктер табыс етті.
Айта кетейік, 24 мамыр күні Мәдениет және спорт министрі Арыстанбек Мұхамедиұлы Шыңғыс Айтматовтың шығармашылығы жөнінде айта келіп, Ресейде дәретхана тазалап жүрген қырғыз азаматтарын аяйтынын айтып, үлкен сынның астына қалған болатын. Оған қарсы Мәскеудегі қырғыздар жауап берген еді. Ал, Қырғызстанның СІМ Қазақстанға қарсылық нотасын жолдаған. Минист кейіннен бұл пікірі үшін кешірім сұраған. Ал, Қазақстан тарапы министрдің қырғыздарды төмендетейін деген ойы болмағанын мәлімдеген.
Жіберіп алмаңыз: