Данияр Елеусінов ұлттық құрамаға қайта оралу туралы шешім қабылдады

Жексенбі, 23 Шілде , 2017 9:45

Бокстан олимпиада чемпионы Данияр Елеусінов ұлттық құрама сапына қайта оралып, әуесқой бокстағы мансабын жалғастыратынын ресми түрде мәлімдеді.

Безымянный

Бұл туралы sports.kz хабарлайды.

Боксшы Рио олимпиадасынан кейін кәсіпқой боксқа ауысатынын хабарлаған болатын. Тіпті австралиялық промоутерлік компаниямен де келісім-шартқа отырған. Алайда Иван Дычко екеуінің алданып қалғаны кейін белгілі болды.

Айта кетейік, қаңтар айында белгілі болғандай олимпиада чемпионы Данияр Елеусінов пен олимпиада ойындарының екі дүркін қола жүлдегері Иван Дычко ақпан айында АҚШ-та жаттығу жұмыстарына кірісіп, мамыр айында Қытайда бірінші жекпе-жектерін өткізу керек еді. Ал шығынды толық промоутерлік компания өз мойынан алуы керек болған.

Бұдан кейін аса ауыр салмақта өнер көрсететін Дычко бәрібір бағын кәсіпқой бокстан іздейтінін ұқтырып, америкалық орталықпен келісімге келген. Ал құраманың экс-капитаны Данияр болса, біраз уақыт ойланудан кейін олимп шыңын екінші рет бағындыру үшін, құрама сапына қайта оралуды дұрыс деп тауыпты.

Боксшының айтуынша ол ұлттық құрама қатарына ресми түрде күзде өтетін әлем чемпионатынан кейін қосылмақ.

“Нақты қай турнирден бастайтынымды бапкерлермен ақылдасатын боламыз. Ал өз басым кәсіпқой боксқа араласпағаныма еш өкінбеймін. 69 келіде бәсекелестік әрқашан жоғары болған. Бәсекелестіктің болуы спортшыны тек шыңдай түседі”, – дейді ол.

Еске салайық, Данияр кеткеннен кейін 69 келіде кімнің көшбасшы болатыны әлі де болса нақтыланбаған еді. Деседе бұл салмақтың бірінші нөмірі болуға Абылайхан Жүсіпов, Садриддин Ахметов, Асланбек Шымбергенов секілді спортшылар үміткер. Сондықтан Даниярға бұрынғы мәртебесін сақтап қалу оңайға түспегелі тұр.

Оқи отырыңыз:

Қанат Исламның бокс кешінде өнер көрсететін қазақстандық боксшылар анықталды

АҚШ-та қазақстандық боксшы қарсыласын техникалық нокаутпен жеңді

Головкин мен Альварестің кездесуін кинотеатрлардан көрсетуі мүмкін

“Аякстың” 20 жастағы футболшысы енді ешқашан сөйлеп, жүріп, адам тани алмай қалуы мүмкін (видео)

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
21.09.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар