Иә, қобызшы қыздардың қатарын толықтырғысы келетін, аспабын арқалаған арулар, іріктеуде бағын сынауға ниетті! Алайда, келбеті келісті болғанымен, топтың қойған талабына төтеп бере алмағандар көп көрінеді.

“Ән айтатын сымбатты қыздар көп. Бірақ, ән айтып, қобызда ойнап, өзінің сымбатымен, сахнадағы сенімділігімен барлығын бір бойға жинау ол… Ондай қыздар көп емес деп айта алар едім. Кем де-кем”, – дейді “Асыл” тобының арулары.

Тіпті «Асылда» өнер көрсеткісі келетін арулар, тамыр-таныстар арқылы ақша ұсынып, топ құрамын толықтыруға әрекет жасап көріпті. Алайда, ұжым мүшелері жемқорлыққа жол бермейміз, дейді.

“Осындай менің сіңілім бар еді, қарап көресіздер ме, кіргісі келіп жүр еді деген біраз ұсыныстар болған. Таныс болса да, егер қобызда дұрыс ойнай алмай, әнді дұрыс айта алмай тұрса өзіне қиын болады”, – дейді “Асыл” тобы.

Айтпақшы, топқа лайықты үміткер табылмаса, «Асылдың» іргетасын қалаған Ғалия Мұратова қатарға қайта қосылып, қобызшы қыздар ұжымы квартет болып өнер көрсетуі бек мүмкін. Бұл ақпаратты арулар ашып айтпаса да, қыздардың кастингтен кейінгі болжамынан байқадық.

“Ғалия қайтып келсе енді… Келемін мен, келгім келіп тұр десе мүмкін… Негізі өзі бір күліп қойған. Осы сендердің кастингтеріңе келемін-ау деп. Бірақ әлі де келген жоқ. Күтеміз, Ғалия біз сені күтеміз”, – дейді “Асыл” тобы.

«Асылдық» арулар топтың жаңа құрамын, желтоқсан айының 7-сі күні ресми түрде таныстырмақ!

Жіберіп алмаңыз:

Әнші Бүркіт фильм түсіргені үшін айыптағандарға жауап берді

Ерке Есмахан алғаш рет Төреғалимен болған жанжал туралы ашық айтты

Жұлдыз Әбдікәрімова Қайратқа ең алғаш ғашық болған кездері туралы айтты

Нұржан Керменбаев пен Мақпал Исабекова ерекше бейнебаян түсіріп, жұртты таңғалдырды (видео)

Талқылау