Ең алдымен, ҰБТ форматы өзгермейді, 5 пәннен 120 сұрақ болады. Максималды жауап – 140 балл. Қазақстан тарихы, математика, оқу сауаттылығы – міндетті пән және екі профильді пәннен сынақ алынады.

Екінші

2019 жылы қаңтардан бастап ҰБТ 4 рет өткізіледі. Қаңтар, наурыз, тамыз айында тест тапсырғандар ақылы оқуға түседі. Егер грантқа үміткер болса, маусым-шілде айындағы тестілеуден өтеді.

Егер талапкер қаңтар айында тест тапсырса, 1 ақпанда қабылдау комиссиясына барып, шартты түрде оқуға қабылдана алады.

Қаңтар айында алған 120 балдық сертификатымен грантқа тапсыра алмайды. Маусымда тест тапсырғандар да ақылы бөлімге оқуға түсе алады.

Үшінші

Қаңтарда ҰБТ үш категория бойынша жүзеге асады. 1. 11 және 12 сынып оқушылары. 2. Қыркүйек айында шартты түрде оқуға қабылданғандар. 3. Шығармашылық мамандықтардан өзге мамандыққа ауысқандар.

Наурыз айында тек 11-12-сынып оқушылары ғана ҰБТ тапсырады. Маусым-шілдеде грантқа үміткерлер тапсырады. Тамыз айында тестілеуден төмен балл жинап, ақылы бөлімге балы жетпегендер тапсыра алады.

Төртінші

Шығармашылық мамандықтан өзге мамандыққа ауысатындар енді екі пәннен тест тапсырады. Бұған дейін екі пәннен сынақ тапсырған жоқ. Сондықтан оның айырмашылық ақысын төлейді. Талапкерлерге сертификатымен бірге білім бағдарламалары жазылған қағаздар беріледі. Қанша грант саны бөлінген, былтырғы жылғы грант байқауының нәтижесі мен шекті балл алғандар көрсетіледі.

Бесінші

Жаңа классификатордың енгізілуіне байланысты гранттар білім беру бағдарламасына байланысты екі топқа бөлінеді. Мәселен, “Ақпараттық технология”. Оған Информатика, информациялық жүйелер, Блокчей, Биг т.б. жатады. Оған 1000 грант бөлінген. Бұл топты көрсеткендер арасында конкурс ойнатылады.

Талапкер осы топ арқылы грантты иемденген соң университетке тіркеліп, топ ішіндегі қалаған білім бағдарламасын таңдайды.

Stan.kz сайтын Telegram арқылы оқыңыз. Арнамызға жазылыңыз.

Талқылау