"Жұбайы келіп ел-жұртымен көрісті": Алматыда Мұхтар Мағауиннің 40 күндік асы өтті
Алматыда 85 жасқа қараған шағында дүниеден озған Мұхтар Мағауиннің 40 күндік асы берілді. Бұл туралы Stan.kz ақпарат агенттігі хабарлайды.
Фото: Видеодан скриншот
Журналист Жанар Байсеміз марқұмның асына қатысып, жазба жариялады.
“Зулаған уақыт… Аңыз адам Мұхтар Мағауиннің өмірден өткеніне де 40 күн болды. Мағауиндер әулеті Алматыда жазушының қырқын берді. АҚШ-тан Мұхтар Мағауиннің жұбайы Бақытжамал апамыз келіп, ел-жұртымен көрісті. Адамда арман таусылған ба?! Жазушы өмірінің соңғы сәттерінде "кіші немеремнің алты-жетіге толған шағында кетсем, мәңгілік есінде қалар едім", — депті. Ұлы жазушының рухы пейіште шалқысын. Мағауин өлген жоқ. Мағауиннің екінші ғұмыры басталды. Мағауин қалдырған мол мұра мәңгілікке мәңгілік!", — деп жазды БАҚ өкілі.
Еске салайық қаңтарда бақилық болған жазушы АҚШ-тың Мэриленд штатында жерленетінін хабардар еттік.
“Жазушының жаназасы 11 қаңтарда АҚШ-тың Мэриленд штатында сағат 10:00-де өтіп, түріктің Diyanet Center of America мешітінде ұйымдастырылып, сол штаттың зиратына жерленді”, – деді марқұмның ұлы Едіге.
"Жиырмадан асқан жігіттер қырындайды": Қызының қатарласындай жас көрінетін 40 жастағы қазақстандық әйел желі жұлдызына айналды
