Жүрсін Ерман Қазақстанның Халық жазушысы атанды
Айтыс өнерінің жанашыры, көрнекті қаламгер, ақын және қоғам қайраткері Жүрсін Ерманға Мемлекет басшысы Қасым-Жомарт Тоқаевтың Жарлығымен “Қазақстанның Халық жазушысы” атағы берілді. Бұл туралы Stan.kz ақпарат агенттігі хабарлайды.
Мәдениет және ақпарат министрлігінің мәліметінше, марапат ақынға ұлттық әдебиет пен айтыс өнерін дамытуға сіңірген ерен еңбегі үшін табысталды.
Құрметті атақты Алматы қаласының әкімі Дархан Сатыбалды ақынның 75 жылдық мерейтойына арналған концертте салтанатты түрде табыстады. Сондай-ақ қала әкімі Мемлекет басшысының құттықтауын жеткізді.
Айта кетейік, Жүрсін Ерман “Қазақстанның еңбек сіңірген қайраткері”, сондай-ақ Қазақстан Жазушылар одағының Мұқағали Мақатаев атындағы сыйлығын екі мәрте иеленген.
Еске салайық, бұған дейін 75 жасқа толған Жүрсін Ерман өлең жазбағанына 5 жыл болғанын айтып, жан сырын ақтарған еді.
"7 миллиард теңгеге жуық": Алматы әкімін қамтамасыз етуге премьер-министрден көп қаржы жұмсалады
2026–2028 жылдарға арналған республикалық бюджет туралы құжатта бүкіл шығын жазылған
"1,5 келілік сәби жансақтау бөлімінде": Таиландқа демалуға барып, босанып қалған қазақстандық әйел елден көмек сұрады
Елена: "Қазақстанға қашан оралатынымыз белгісіз"