“Екінші сот отырысы өтті. Менің көңілім толмаған сәттер мыналар:
Біріншіден, өткен отырыста сот өзі талап еткен жауап беруші тараптағы Дилара осы отырысқа қатыспады. Неге?! Қарсы тарап соттың талабын орындамайтын не күшке ие?! Екіншіден сот екі тарапты толық тыңдап болғаннан кейін, ешқандай қосымша сұрақтар қоймай, ақылдасу бөлмесіне үнсіз кетіп қалды. Бар болғаны 20 минутта шешім қабылданды. Бірінші болған сот шешімін өзгеріссіз қалдыруға шешім қабылданыпты. Соттың ресми шешімі жайындағы құжат келесі апта шығады. Заң бұзушылық табылмады деген үкім айтылды. Естеріңізде болса, бірінші отырыста қаралмаған, немесе назар салынбаған дәлелдер келтіргенімді айтқанмын. Бұл жолы да ол дәлелдер ескерусіз қалды”, – деп жазды актриса.

Одан кейін өнер иесі істі әріқарай жалғастыратынын және Жоғарғы Сотқа шағым түсіретінін ескертті.
“Сот шешімімен келіспейтінімді, мұнымен іс жабылмайтынын, Жоғарғы Сотқа қайта шағымданатынымды хабарлаймын! Жүріп жатқан азаматтық соттан бөлек, қылмыстық іс қозғалып жатқандығы, ол жақта сот мүлде басқа сарында болатынын да естеріңізге саламын. Басты назар аударатын жай, ол – мен жалғыз алданушы емеспін. Он шақты алданған азаматтар болып, ұжымдық шағым түсіріп, қылмыстық іс қозғалғанын қайталаймын. Әділдік орнауына бар күшімді саламын!”, – деп ашуланды киножұлдыз.

Еске салайық, Жұлдыз Әбдікәрімова өзін алдаған құрылыс компаниясына қатысты жаңа деректерді бөліскен еді.

Талқылау