"Жоғарғы сот қыздардың мектепте орамал таққанына байланысты балалардың білім алу құқығы мен орамал мәселесіне нүкте қойды. Жоғарғы Соты облыстық соттың шешімін бұзып, оқушының орамалына байланысты шектеулер білім алу құқығын бұзады деп таныды. Балалардың құқықтарын қорғауға бірнеше заңгер мен белсенділер қатысты", – дейді құқық қорғаушы.

Оның айтуынша, мұндай шешімдерді бұған дейін төрт облыстың соттары да мойындаған.

"Министрлік орамалмен күресіп жатқанда, Қазақстанда балалар арасындағы суицид пен зорлық-зомбылық көбейіп кетті. Бұл өте өкінішті. Қалай болғанда да сот билігі министрліктің ұстанымына емес, заң нормаларына қарайтыны жақсы", – деді ол.

"Хиджаб – қыздарды сексуализациялау": Діни киімге қарсы петиция авторы қыздардың орамал жамылуына не үшін қарсы екенін айтты

“Мұсылман еркектер "төсектес болайық" деп маза бермеді”: Қазақстандық қыздар хиджабын не себепті шешкендерін айтып берді

Құқық қорғаушының жазбасы желіде дау тудырды. Біреулер Жоғарғы соттың шешімін қолдаса, енді біреулері қыздар өскенше орамал тақпауы керек деп есептейді.

"Балаға мектепте орамал тағудың қажеті жоқ деп ойлаймын. Қазір балалар өте қатыгез, олар мұны мазақ қылуы мүмкін. Екіншіден, бұл – қыздың емес, ата-анасының қалауы. Қыз өссін, орамал таға ма, жоқ па, өзі шешеді”, – деді желі қолданушысы.

Тағы бір қолданушы баланың есейгенін күтпей, көзқарасын қалыптастыра беру керек деп санайды.

Оқу-ағарту министрі Ғани Бейсембаев білім ошақтарында барлық оқушының мектеп формасын киюі маңызды екенін айтқан. Ол білім саласына қатысты мәселелерді басқа аспектілермен шатастырмау керегін түсіндірді.

Egov.kz мемлекеттік порталы мектеп қабырғасында хиджаб киюге тыйым салу ешбір дінге басымдық бермей, зайырлылық қағидаттарын, ішкі тәртібін сақтау үшін енгізілгенін хабарлайды.

Бұған дейін Бас мүфти Наурызбай қажы Тағанұлы орамалды қыздардың таңдауын құрметтеп, оларды шектемеу керегін айтты,.

Талқылау